ಮಹಿಷಾಸುರಮರ್ದಿನಿ ಸ್ತೋತ್ರ

ಅಯಿ ಗಿರಿನಂದಿನಿ ನಂದಿತಮೇದಿನಿ ವಿಶ್ವವಿನೋದಿನಿ ನಂದನುತೇ
  ಗಿರಿವರವಿಂಧ್ಯಶಿರೋಧಿನಿವಾಸಿನಿ ವಿಷ್ಣುವಿಲಾಸಿನಿ ಜಿಷ್ಣುನುತೇ .
ಭಗವತಿ ಹೇ ಶಿತಿಕಂಠಕುಟುಂಬಿನಿ ಭೂರಿಕುಟುಂಬಿನಿ ಭೂರಿಕೃತೇ
  ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧.. 

ಅಯಿ = ಹೇ ತಾಯೇ      ಗಿರಿನಂದಿನಿ = ಪರ್ವತಪುತ್ರಿ    ವಿಶ್ವವಿನೋದಿನಿ = ವಿಶ್ವವೇ ನಿನ್ನ ಆಟ  ನಂದನುತೇ - ನಂದಿಯಿಂದ ಪೂಜಿಸಲ್ಪಡುವವಳು

ಗಿರಿವರ = ಅರಿಶ್ರೇಷ್ಠ ಪರ್ವತ ವಿಂಧ್ಯಶಿರೋಧಿನಿವಾಸಿನಿ = ವಿಂಧ್ಯಪರ್ವತ ಶಿಖರದ ಮೇಲೆ ವಾಸಿಸುವಳು   ವಿಷ್ಣುವಿಲಾಸಿನಿ = ವಿಷ್ಣುವಿಗೆ ವಿಲಾಸ ಕೊಡುವವಳು   ಜಿಷ್ಣುನುತೇ=ಇಂದ್ರನಿಂದ ಪೂಜಿಸಲ್ಪಡುವವಳು   

ಶಿತಿಕಂಠ = ನೀಲಕಂಠ    ಕುಟುಂಬಿನಿ = ಪತ್ನಿ   ಭೂರಿಕುಟುಂಬಿನಿ= ಅಪಾರ ಕುಟುಂಬವನ್ನು ಹೊಂದಿದವಳು  ಭೂರಿಕೃತೇ = ಅಪಾರವನ್ನು ಸೃಷ್ಟಿಸಿದವಳು

ಮಹಿಷಾಸುರಮರ್ದಿನಿ = ಮಹಿಷಾಸುರನನ್ನು ವಧಿಸಿದವಳು     ರಮ್ಯಕಪರ್ದಿನಿ = ರಮ್ಯ ಜಟೆಯವಳು

ಶೈಲಸುತೆ =  ಪರ್ವತಪುತ್ರಿ

ಸುರವರವರ್ಷಿಣಿ ದುರ್ಧರಧರ್ಷಿಣಿ ದುರ್ಮುಖಮರ್ಷಿಣಿ ಹರ್ಷರತೇ
ತ್ರಿಭುವನಪೋಷಿಣಿ ಶಂಕರತೋಷಿಣಿ ಕಿಲ್ಬಿಷಮೋಷಿಣಿ ಘೋಷರತೇ .
ದನುಜನಿರೋಷಿಣಿ ದಿತಿಸುತರೋಷಿಣಿ ದುರ್ಮದಶೋಷಿಣಿ ಸಿಂಧುಸುತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೨..  

ಸುರವರವರ್ಷಿಣಿ=ದೇವತೆಗಳಿಗೆ ವರವನ್ನು ಸುರಿಸುವವಳು ದುರ್ದರಧರ್ಷಿಣಿ = ದುರ್ದರ ಎಂಬ ರಾಕ್ಷಸನ ಸೋಲಿಸಿದವಳು

ದುರ್ಮುಖಮರ್ಷಿಣಿ=ದುರ್ಮುಖ ರಾಕ್ಷಸನ ಸೋಲಿಸಿದವಳು ಹರ್ಷರತೇ = ಉಲ್ಲಾಸದಲ್ಲಿ ಮಗ್ನಳಾದವಳು

 ತ್ರಿಭುವನಪೋಷಿಣಿ = ಮೂರು ಲೋಕಗಳನ್ನು ಪೋಷಿಸುವವಳು   ಶಂಕರತೋಷಿಣಿ = ಶಂಕರನನ್ನು ಸಂತೋಷ ಪಡಿಸುವವಳು

ಕಿಲ್ಬಿಷಮೋಷಿಣಿ= ಪಾಪ ವಿನಾಶಿನಿ  ಘೋಷರತೇ = ಘೋಷಿಸುವದರಲ್ಲಿ ಮಗ್ನಳಾದವಳು

ದನುಜನಿರೋಷಿಣಿ=ದನುಜರ ರೋಷವನ್ನು ಹೋಗಲಾಡಿಸುವವಳು  ದಿತಿಸುತರೋಷಿಣಿ-ದಿತಿಸುತರ ಮೇಲೆ ಕುಪಿತಳು

ದುರ್ಮದಶೋಷಿಣಿ=ರಾಕ್ಷಸರ ಮದವನ್ನು ನಾಶ ಮಾಡುವವಳು ಸಿಂಧುಸುತೆ = ಸಾಗರಪುತ್ರಿ 

ಅಯಿ ಜಗದಂಬ ಮದಂಬ ಕದಂಬವನಪ್ರಿಯವಾಸಿನಿ ಹಾಸರತೇ
ಶಿಖರಿ ಶಿರೋಮಣಿ ತುಂಗಹಿಮಾಲಯ ಶೃಂಗನಿಜಾಲಯಮಧ್ಯಗತೇ .
ಮಧುಮಧುರೇ ಮಧುಕೈಟಭಗಂಜಿನಿ ಕೈಟಭಭಂಜಿನಿ ರಾಸರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೩.. 

ಜಗದಂಬ=ಜಗದ ತಾಯಿ ಮದಂಬ=ನನ್ನ ತಾಯಿ ಕದಂಬವನಪ್ರಿಯವಾಸಿನಿ=ಕದಂಬವನದಲ್ಲಿ ವಾಸಿಸುವದು ಪ್ರಿಯವಾದವಳು

ಹಾಸರತೆ = ನಗುವಿನಲ್ಲಿ ತೊಡಗಿದವಳು   ಶಿಖರಿ ಶಿರೋಮಣಿ ತುಂಗಹಿಮಾಲಯ ಶೃಂಗನಿಜಾಲಯಮಧ್ಯಗತೇ =ಉತ್ತಂಗ ಹಿಮಾಲಯದ ಶಿಖರದ ಶಿರೋಮಣಿಯಲ್ಲಿ ವಾಸಿಸುವವಳು   ಮಧುಮಧುರೇ = ಜೇನಿನಷ್ಟು ಸಿಹಿಯಾದವಳು 

ಮಧುಕೈಟಭಗಂಜಿನಿ =  ಮಧುಕೈಟಭರ ಸೊಕ್ಕು ಮುರಿದವಳು     ಕೈಟಭಗಂಜಿನಿ=ಮಧುಕೈಟಭರ ನಾಶ ಮಾಡದವಳು  ರಾಸರತೆ=ಕಾಳಗದ ಆರ್ಭಟ ಪ್ರಿಯವಾದವಳು

ಅಯಿ ಶತಖಂಡವಿಖಂಡಿತರುಂಡವಿತುಂಡಿತಶುಂಡಗಜಾಧಿಪತೇ
ರಿಪುಗಜಗಂಡವಿದಾರಣಚಂಡಪರಾಕ್ರಮಶುಂಡ ಮೃಗಾಧಿಪತೇ .
ನಿಜಭುಜದಂಡನಿಪಾತಿತಖಂಡವಿಪಾತಿತಮುಂಡಭಟಾಧಿಪತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೪.. .

ಅಯಿ ರಣದುರ್ಮದಶತ್ರುವಧೋದಿತದುರ್ಧರನಿರ್ಜರಶಕ್ತಿಭೃತೇ
ಚತುರವಿಚಾರಧುರೀಣಮಹಾಶಿವದೂತಕೃತಪ್ರಮಥಾಧಿಪತೇ .
ದುರಿತದುರೀಹದುರಾಶಯದುರ್ಮತಿದಾನವದೂತಕೃತಾಂತಮತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೫.. .. ೧೧..

ಅಯಿ ಶರಣಾಗತವೈರಿವಧೂವರವೀರವರಾಭಯದಾಯಕರೇ
ತ್ರಿಭುವನಮಸ್ತಕಶೂಲವಿರೋಧಿಶಿರೋಧಿಕೃತಾಮಲಶೂಲಕರೇ .
ದುಮಿದುಮಿತಾಮರದುಂದುಭಿನಾದಮಹೋಮುಖರೀಕೃತತಿಗ್ಮಕರೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೬.. .. ೧೨..

ಅಯಿ ನಿಜಹುಁಕೃತಿಮಾತ್ರನಿರಾಕೃತಧೂಮ್ರವಿಲೋಚನಧೂಮ್ರಶತೇ
ಸಮರವಿಶೋಷಿತಶೋಣಿತಬೀಜಸಮುದ್ಭವಶೋಣಿತಬೀಜಲತೇ .
ಶಿವಶಿವ ಶುಂಭನಿಶುಂಭಮಹಾಹವತರ್ಪಿತಭೂತಪಿಶಾಚರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೭.. .. ೧೩..

ಧನುರನುಸಂಗರಣಕ್ಷಣಸಂಗಪರಿಸ್ಫುರದಂಗನಟತ್ಕಟಕೇ
ಕನಕಪಿಶಂಗಪೃಷತ್ಕನಿಷಂಗರಸದ್ಭಟಶೃಂಗಹತಾವಟುಕೇ .
ಕೃತಚತುರಂಗಬಲಕ್ಷಿತಿರಂಗಘಟದ್ಬಹುರಂಗರಟದ್ಬಟುಕೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೮.... ೧೪..

ಸುರಲಲನಾತತಥೇಯಿತಥೇಯಿತಥಾಭಿನಯೋತ್ತರನೃತ್ಯರತೇ
ಹಾಸವಿಲಾಸಹುಲಾಸಮಯಿ ಪ್ರಣತಾರ್ತಜನೇಽಮಿತಪ್ರೇಮಭರೇ .
ಧಿಮಿಕಿಟಧಿಕ್ಕಟಧಿಕಟಧಿಮಿಧ್ವನಿಘೋರಮೃದಂಗನಿನಾದರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೯.. .. ೧೫..

ಜಯ ಜಯ ಜಪ್ಯಜಯೇ ಜಯಶಬ್ದಪರಸ್ತುತಿತತ್ಪರವಿಶ್ವನುತೇ
ಝಣಝಣಝಿಂಝಿಮಿಝಿಂಕೃತನೂಪುರಸಿಂಜಿತಮೋಹಿತಭೂತಪತೇ .
ನಟಿತನಟಾರ್ಧನಟೀನಟನಾಯಕನಾಟಿತನಾಟ್ಯಸುಗಾನರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೦.. .. ೧೬..

ಅಯಿ ಸುಮನಃಸುಮನಃ ಸುಮನಃ ಸುಮನಃ ಸುಮನೋಹರಕಾಂತಿಯುತೇ
ಶ್ರಿತರಜನೀರಜನೀರಜನೀರಜನೀರಜನೀಕರವಕ್ತ್ರವೃತೇ .
ಸುನಯನವಿಭ್ರಮರಭ್ರಮರಭ್ರಮರಭ್ರಮರಭ್ರಮರಾಧಿಪತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೧.. .. ೧೭..

ಸಹಿತಮಹಾಹವಮಲ್ಲಮತಲ್ಲಿಕಮಲ್ಲಿತರಲ್ಲಕಮಲ್ಲರತೇ
ವಿರಚಿತವಲ್ಲಿಕಪಲ್ಲಿಕಮಲ್ಲಿಕಝಿಲ್ಲಿಕಭಿಲ್ಲಿಕವರ್ಗವೃತೇ .
ಸಿತಕೃತಫುಲ್ಲಿಸಮುಲ್ಲಸಿತಾರುಣತಲ್ಲಜಪಲ್ಲವಸಲ್ಲಲಿತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೨.. .. ೧೮..

ಅವಿರಲಗಂಡಗಲನ್ಮದಮೇದುರಮತ್ತಮತಂಗಜರಾಜಪತೇ
ತ್ರಿಭುವನಭೂಷಣಭೂತಕಲಾನಿಧಿರೂಪಪಯೋನಿಧಿರಾಜಸುತೇ .
ಅಯಿ ಸುದತೀ ಜನಲಾಲಸಮಾನಸಮೋಹನಮನ್ಮಥರಾಜಸುತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೩.. .. ೧೯..

ಕಮಲದಲಾಮಲಕೋಮಲಕಾಂತಿಕಲಾಕಲಿತಾಮಲಭಾಲಲತೇ
ಸಕಲವಿಲಾಸಕಲಾನಿಲಯಕ್ರಮಕೇಲಿಚಲತ್ಕಲಹಂಸಕುಲೇ .
ಅಲಿಕುಲಸಂಕುಲಕುವಲಯಮಂಡಲಮೌಲಿಮಿಲದ್ಭಕುಲಾಲಿಕುಲೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೪.. .. ೨೦..

ಕರಮುರಲೀರವವೀಜಿತಕೂಜಿತಲಜ್ಜಿತಕೋಕಿಲಮಂಜುಮತೇ
ಮಿಲಿತಪುಲಿಂದಮನೋಹರಗುಂಜಿತರಂಜಿತಶೈಲನಿಕುಂಜಗತೇ .
ನಿಜಗುಣಭೂತಮಹಾಶಬರೀಗಣಸದ್ಗುಣಸಂಭೃತಕೇಲಿತಲೇ
variation  ನಿಜಗಣಭೂತಮಹಾಶಬರೀಗಣರಂಗಣಸಂಭೃತಕೇಲಿರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೫.. .. ೨೧..

ಕಟಿತಟಪೀತದುಕೂಲವಿಚಿತ್ರಮಯೂಖತಿರಸ್ಕೃತಚಂದ್ರರುಚೇ
ಪ್ರಣತಸುರಾಸುರಮೌಲಿಮಣಿಸ್ಫುರದಂಶುಲಸನ್ನಖಚಂದ್ರರುಚೇ .
ಜಿತಕನಕಾಚಲಮೌಲಿಪದೋರ್ಜಿತನಿರ್ಝರಕುಂಜರಕುಂಭಕುಚೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೬.. .. ೨೨..

ವಿಜಿತಸಹಸ್ರಕರೈಕಸಹಸ್ರಕರೈಕಸಹಸ್ರಕರೈಕನುತೇ
ಕೃತಸುರತಾರಕಸಂಗರತಾರಕಸಂಗರತಾರಕಸೂನುಸುತೇ .
ಸುರಥಸಮಾಧಿಸಮಾನಸಮಾಧಿಸಮಾಧಿಸಮಾಧಿಸುಜಾತರತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೭.. .. ೨೩..

ಪದಕಮಲಂ ಕರುಣಾನಿಲಯೇ ವರಿವಸ್ಯತಿ ಯೋಽನುದಿನಂ ಸ ಶಿವೇ
ಅಯಿ ಕಮಲೇ ಕಮಲಾನಿಲಯೇ ಕಮಲಾನಿಲಯಃ ಸ ಕಥಂ ನ ಭವೇತ್ .
ತವ ಪದಮೇವ ಪರಂಪದಮೇವಮನುಶೀಲಯತೋ ಮಮ ಕಿಂ ನ ಶಿವೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೮.. .. ೨೪..

ಕನಕಲಸತ್ಕಲಸಿಂಧುಜಲೈರನುಸಿಂಚಿನುತೇ ಗುಣ ರಂಗಭುವಂ
ಭಜತಿ ಸ ಕಿಂ ನ ಶಚೀಕುಚಕುಂಭತಟೀಪರಿರಂಭಸುಖಾನುಭವಂ .
ತವ ಚರಣಂ ಶರಣಂ ಕರವಾಣಿ ನತಾಮರವಾಣಿನಿವಾಸಿ ಶಿವಂ
               variation  ಮೃಡಾನಿ ಸದಾ ಮಯಿ ದೇಹಿ ಶಿವಂ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೧೯.. .. ೨೫..

ತವ ವಿಮಲೇಂದುಕುಲಂ ವದನೇಂದುಮಲಂ ಸಕಲಂ ನನು ಕೂಲಯತೇ
ಕಿಮು ಪುರುಹೂತಪುರೀಂದುಮುಖೀಸುಮುಖೀಭಿರಸೌ ವಿಮುಖೀಕ್ರಿಯತೇ .
ಮಮ ತು ಮತಂ ಶಿವನಾಮಧನೇ ಭವತೀ ಕೃಪಯಾ ಕಿಮುತ ಕ್ರಿಯತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೨೦.. .. ೨೬..

ಅಯಿ ಮಯಿ ದೀನದಯಾಲುತಯಾ ಕೃಪಯೈವ ತ್ವಯಾ ಭವಿತವ್ಯಮುಮೇ
ಅಯಿ ಜಗತೋ ಜನನೀ ಕೃಪಯಾಸಿ ಯಥಾಸಿ ತಥಾಽನುಮಿತಾಸಿ ರತೇ .
ಯದುಚಿತಮತ್ರ ಭವತ್ಯುರರೀಕುರುತಾದುರುತಾಪಮಪಾಕುರುತೇ
ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ .. ೨೧.. .. ೨೭..

ಹಿಂದಿನ ಪುಟ

ಮುಂದಿನ ಪುಟ